約咗舊同事加舊同學食lunch!!今次食日本野，間野個名真係叫日本野🤣💛
.
我哋今日食set lunch，冇得去日本都喺香港食返啲新鮮嘅刺身同埋壽司補返數😋我揀咗個特選壽司拼盤定食（$98）仲包左蕎麥麵同餐飲。啲壽司真係算幾新鮮尤其是係油甘魚同魷魚，入口真係好鮮甜🥰其他壽司好似三文魚，玻璃蝦，同埋吉列蝦反卷都唔錯啊👍配埋碗蕎麥冷麵夠晒飽肚😋
.
朋友就點左特選刺身拼盤定食（$118）我見佢有三文魚，油甘魚，甜蝦，帶子同八爪魚各兩件 睇起上嚟賣相都幾新鮮，聽朋友講食落都唔錯！👍不過佢就話碗豬骨湯烏冬就一般。
.
加上環境同服務態度都唔錯，今日我哋吹水吹左成個lunch，好爽😆😆下次再相約食好嘢😋😋
.
日本野 (銅鑼灣廣場) 💛
地址:銅鑼灣駱克道463-483號銅鑼灣廣場2期6樓
Search